Piosenka:
Herman Medrano & The Groovy Monkeys - Ogni finto tekstowo zapisana

Tekst piosenki Ogni finto

- Fare finta de no fare finta
Fin no fare finta de no fare finta
Fare finta -

Come quando che to pare te ga sgamà fumà
Te tornavi dal parcheto co i oci crepà
Te ghe el fià inpestà che scrosta e ringhiere
Giurando che te si sta costreto a bere
Come quando ai 110 i te ga fermà
E ti te ghe negà: el motorin no xe trucà
Butà a pessegato co a missea fata in casa
Benxina, oio, acetone, graspa e acquaraxa
Come come, el prete xe in sogiorno
Benedisse a casa mentre ti te vardi un porno
Te o vardi, el te varda, nissuni dixe gnente

Tira i schei, arivederci, vanti come senpre
Come quando in ascensore co l'aria da malaria
Fra el stupore dee signore ti te vardi pararia
E ogni volta che in pissina te si fermo a l'angoeto
Te se lexe in facia co te fe el pisseto

Come quando? Come ogni volta
Che te pensi che sia fassie tegnere a roba sconta
Come quando te vorissi agire d'istinto
Come quando te agissi faxendo el finto
Finto come i corsi de agiornamento
Finto come rivo fra un momento
Finto come a sigareta eletronica
Finto come na bira analcoica

Come quando te vedi una e te pensi "Che figa"
E te pensi anca queo che no te pensarissi miga
Che xe quando che te pensi: "Mi, questa me a faria"
Pensieri maedeti che co na man te i pari via
Come quando ea parla e te fe de si co a testa
Te jeri ipnotixà, te ghe vardavi a sesta
E co ea fa si co a testa e te credi sia venua?
El mona te si ti, che te ste co una crua
Come come? Apuntamento tuto in tiro
Co na machina a noejo che no ga gnanca l'Emiro
A toea te fe el figo co xe ora de magnare
E par pagare? Tuto in conto a to pare
Come quando ea lo sa, che tanto no lo farà
E in bar te ghe contà robe che ne ga sbiancà
Te o ghe visto so un sito che i amighi te ga dito
Come se menarse a broca fosse deventà un deito

Come quando? Come ogni volta
Che te pensi che sia fassie tegnere a roba sconta
Come quando te vorissi agire d'istinto
Come quando te agissi faxendo el finto
Finto come el paruchin co a laca
Finto come l'onestà de na banca
Finto come na promessa dea poitica
Come l'enorme fame chimica

Come quando che ti, tranquio nel to mondo
Te te sveji proprio quando tuto va fondo
E te te incassi anca, ofeso e irità
Parché xe massa tardi e nissun te ga ciamà
Come quando tuti conta proprio su de ti
Vardacaso co un inpegno proprio par ch'el dì
E chea volta l'ano che te ghe na idea bona
No a xe gnanca tua, ma de to nona co svariona
Come come? Un corso de uncineto estremo?
Tremo parché temo che te sferi un ciufo emo
Ogni roba no va ben, no te te toi a briga
Se no se al neto, ben pagà e sensa far fadiga
Come quando cerca personae pa na fabrica
Sei mesi che te si casa, ma ti te ghe na laurea
E in ritardo mostruoso il primo giorno de lavoro
Al Paron te ghe rispondi 'Ta sboro'

Come quando? Come ogni volta
Che te pensi che sia fassie tegnere a roba sconta
Come quando te vorissi agire d'istinto
Come quando te agissi faxendo el finto
Finto come i sconti del concessionario
Finto come i reportage del notiziario
Finto come un piatto pronto genuino
Come l'Italia pizza-mandolino

The Groovy Monkeys & Herman Medrano - Ogni finto tekst piosenki

Ogni finto Herman Medrano & The Groovy Monkeys - Ogni finto tekstowo Ogni finto o czym jest piosenka Ogni finto Herman Medrano & The Groovy Monkeys - Ogni finto Tekst Ogni finto Herman Medrano & The Groovy Monkeys Ogni finto słowa